PSG hefur staðfest komu Lionel Messi til félagsins á frjálsri sölu. Gerir þessi magnaði leikmaður tveggja ára samning.
Messi mun skrifa undir tveggja ára samning við PSG en samningurinn er með ákvæði um að framlengja hann til ársins 2024 ef aðilar hafa áhuga á slíku.
Messi mun þéna 5,2 milljarða íslenskra króna í laun á ári hjá PSG samkvæmt fréttum að utan.
PSG hefur styrkt lið sitt all verulega í sumar en félagið hefur fengið Gianluigi Donnarumma, Sergio Ramos og Georginio Wijnaldum frítt og þá keypti félagið Achraf Hakimi frá Inter.
Talið er PSG muni spila 3-4-3 kerfið í vetur undir stjórn Mauricio Pochettinho. Þó er ekki útilokað að Kylian Mbappe fari til Real Madrid en hann hefur neitað að skrifa undir nýjan samning.
