Rúnar Páll Sigmundsson hefur sagt upp starfi sínu sem þjálfari Stjörnunnar. Frá þesssu er greint á heimsíðu félagsins.

Þar segir að Rúnar hafi óskað eftir því að láta af störfum og að félagið hafi náð samkomulagi við hann um starfsflok.

Tíðindin koma verulega á óvart enda var Rúnar með liðið í fyrstu umferð efstu deildar, þar sem liðið gerði jafntefli við Leikni.

Rúnar hefur stýrt Stjörnunni um langt skeið en hann gerði liðið að Íslandsmeisturum árið 2014, liðið varð svo bikarmeistari árið 2018 en um er að ræða einu titlana í sögu félagsins.

Ekki kemur fram á heimasíðu Stjörnunnar um þjálfaramálin en ætla má að Þorvaldur Örlygsson sem stýrði liðinu taki alfarið við. Stjarnan mætir Keflavík um helgina í annari umferð.

Rúnar tók við Stjörnunni árið 2013 og stýrði liðinu til sigur á Íslandsmótinu í fyrstu tilraun, hann hefur verið vinsæll á meðal stuðningsmanna félagsins en tíðindin koma flestum í opna skjöldu. Hvorki náðist í Rúnar né forráðamenn Stjörnunnar við vinnslu fréttarinnar.