fbpx
Miðvikudagur 09.júlí 2025
433Sport

Undanúrslit Evrópudeildarinnar: Manchester United skoraði sex mörk gegn Roma – Arsenal tapaði á Spáni

Aron Guðmundsson
Fimmtudaginn 29. apríl 2021 20:56

GettyImages

Ekki missa af Helstu tíðindum dagsins í pósthólfið þitt

Lesa nánar

Fyrri leikir undanúrslita Evrópudeildarinnar fóru fram í kvöld. Manchester United bar sigur úr býtum gegn Roma á heimavelli og Arsenal laut í lægra haldi gegn Villarreal á útivelli.

Á Old Trafford í Manchesterborg, tóku heimamenn í Manchester United á móti ítalska liðinu Roma. Leiknum lauk með 6-2 sigri Manchester United í fjörugum leik.

Bruno Fernandes, kom heimamönnum yfir með marki strax á 9. mínútu eftir stoðsendingu frá Edinson Cavani.

Þannig stóðu leikar allt þar til á 15. mínútu þegar hendi var dæmd á Paul Pogba innan vítateigs Manchester United og Roma fékk vítaspyrnu. Lorenzo Pellegrini, tók spyrnuna og jafnaði leikinn fyrir Roma.

Á 34. mínútu, kom Edin Dzeko, Roma yfir með marki eftir stoðsendingu frá Pellegrini og leikar í hálfleik stóðu 2-1, Roma í vil.

Úr leik kvöldsins/ GettyImages

Fljótlega eftir að flautað var til seinni hálfleiks, nánar tiltekið á 48. mínútu, jafnaði Edinson Cavani leikinn fyrir Manchester United.

Cavani var síðan aftur á ferðinni er hann kom Manchester United yfir með marki á 64. mínútu og þá opnuðust flóðgáttir í vörn Roma.

Bruno Fernandes, bætti við fjórða marki Manchester United úr vítaspyrnu á 71. mínútu og Paul Pogba bætti við fimmta marki liðsins fjórum mínútum síðar.

Það var síðan Mason Greenwood sem innsiglaði 6-2 sigur Manchester United með marki á 86. mínútu.

Fleiri mörk voru ekki skoruð í leiknum og því formsatriði fyrir Manchester United að klára einvígið er liðin mætast næst. Seinni leikur liðanna fer fram í Róm á Ítalíu í næstu viku.

Arsenal tapaði á Spáni en náði mikilvægu útivallarmarki einum færri

Á Estadio De La Cerámica á Spáni, tóku heimamenn í Villarreal á móti Arsenal. Leiknum lauk með 2-1 sigri Villarreal. Unai Emery, fyrrverandi knattspyrnustjóri Arsenal er við stjórnvölinn hjá Villarreal og hann átti eftir að gera fyrrum félagi sínu grikk.

Emery á hliðarlínunni í kvöld / GettyImages

Strax á 5. mínútu leiksins komst Villarreal yfir með marki frá Manu Trigueros sem skoraði eftir stoðsendingu frá Samuel Chukwueze.

Albiol, tvöfaldaði síðan forystu heimamanna með marki á 29. mínútu eftir stoðsendingu frá Gerard Moreno.

Arsenal varð fyrir öðru áfalli á 57. mínútu þegar að Dani Ceballos, leikmaður liðsins, fékk að líta sitt annað gula spjald og þar með rautt spjald. Arsenal þurfti því að leika manni færri það sem eftir lifði leiks.

Úr leik kvöldsins / GettyImages

Á 71. mínútu fengu gestirnir hins vegar vítaspyrnu eftir að brotið hafði verið á Bukayo Saka innan vítateigs. Pepe tók spyrnuna og skoraði mikilvægt útivallarmark fyrir Arsenal.

Á 80. mínútu fékk Étienne Capoue, leikmaður Villarreal að líta sitt annað gula spjald í leiknum og þar með rautt. Því var aftur orðið jafnt í liðum.

Fleiri mörk voru þó ekki skoruð í leiknum sem endaði með 2-1 sigri Villarreal. Seinni leikur liðanna fer fram á Emirates Stadium í Lundúnum í næstu viku.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 11 klukkutímum

Lögreglan á Spáni tjáir sig um rannsókn málsins – „Bendir allt til þess að ökutækið hafi verið á töluvert meiri hraða en leyfður er“

Lögreglan á Spáni tjáir sig um rannsókn málsins – „Bendir allt til þess að ökutækið hafi verið á töluvert meiri hraða en leyfður er“
433Sport
Fyrir 12 klukkutímum

Leita sér að nýju heimili til að byrja nýtt líf – Fær fyrirgefningu og útiloka ekki fimmta barnið

Leita sér að nýju heimili til að byrja nýtt líf – Fær fyrirgefningu og útiloka ekki fimmta barnið
433Sport
Fyrir 13 klukkutímum

Staðfesta kaup á íslenska landsliðsmanninum – Kristian gerir fjögurra ára samning

Staðfesta kaup á íslenska landsliðsmanninum – Kristian gerir fjögurra ára samning
433Sport
Fyrir 14 klukkutímum

Sandra um muninn: „Eitt af því sem einkennir okkur“

Sandra um muninn: „Eitt af því sem einkennir okkur“
433Sport
Fyrir 18 klukkutímum

Elanga keyptur fyrir 55 milljónir

Elanga keyptur fyrir 55 milljónir
433Sport
Í gær

Palmer viðurkennir erfiðleika – ,,Hann er alltaf til staðar fyrir mig“

Palmer viðurkennir erfiðleika – ,,Hann er alltaf til staðar fyrir mig“
433Sport
Í gær

Messi og ‘lífvörðurinn’ mögulega sameinaðir

Messi og ‘lífvörðurinn’ mögulega sameinaðir
433Sport
Í gær

Margrét Lára ræðir vonbrigðin í Sviss – „Ég er alltof gömul til að tjá mig um þetta“

Margrét Lára ræðir vonbrigðin í Sviss – „Ég er alltof gömul til að tjá mig um þetta“