Louis van Gaal er enn að jafna sig á því að hafa verið rekinn frá Manchester United árið 2016 en það var hans síðasta starf í fótboltanum. Van Gaal var rekinn eftir tvö ár í starfi.

Van Gaal segir nú frá því að hann hafi beðið stjórn félagsins um að kaupa tíu leikmenn á þessum tíma en félaginu mistókst í öllum tilfellum.

„Ég vildi fá Lewandowski en þegar það reyndist erfitt þá vildi ég fá Higuain. Áður en ég kom bað ég stjórnina um að kaupa Neymar, ef þú ert hjá Manchester United þá verður þú að hugsa stórt,“ sagði Van Gaal.

„Hann var áhugaverður kostur og félagið hefði selt mikið af treyjum. Ég vildi snögga kantmann og sökum þess vildi ég fá Sadio Mane og Riyad Mahrez.“

„Thomas Muller var á óskalista mínum, ég vildi fá N´Golo Kante á miðsvæðinu. Ég reyndi meira að segja að fá James Milner, hann var gamall en fjölhæfur.“

„Í varnarlínuna vildi ég fá Mats Hummels og Sergio Ramos, varnarlína okkar var ekki nógu sterk í að hefja sóknir.Ð

„Þetta voru mennirnir sem ég vildi fá en við fengum ekki neinn af þeim, ég veit ekki af hverju. Þegar ég fór þá fóru Mahrez og Kante til Manchester City og Chelsea en United gat ekki fengið þá. Það er skrýtið.“