Neymar segist aldrei hafa verið ánægðari hjá PSG en núna. Miklar vangaveltur eru um framtíð brasilíska framherjans en hann hefur ekki enn skrifað undir framlengingu við PSG en samningur hans rennur út næsta sumar.
Hann hefur verið orðaður við ýmis lið en sérstaklega við hans gamla félag, Barcelona, sem hann yfirgaf fyrir metfé árið 2017.
„Við höfum bætt okkur mikið á þessu ári og leggjum okkur mikið fram til þess að ná lengra,“ sagði Neymar í viðtali fyrir stórleikinn gegn Manchester City í undanúrslitum Meistaradeildarinnar á morgun.
„Mér líður frábærlega, ég er mjög hamingjusamur hér. Ég hef aldrei verið jafn ánægður hjá PSG og nú.“
Neymar hefur skorað sex mörk í sjö leikjum í Meistaradeildinni í ár. Liðið komst í úrslitaleik kepnninar í fyrra og setur Neymar sér það markmið að vinna í ár:
„Okkur langar innilega að vinna Meistaradeildina. Það er markmiðið.“
