Strípalingurinn sem vakti athygli í leik Granada og Manchester United í gær hafði falið sig á heimavelli spænska félagsins í 14 klukkutíma fyrir leik. Manchester Untied vann góðan 0-2 sigur á Granada á Spáni í gær.

Í byrjun leiks átti sér stað sérstakt atvik en nakinn maður hljóp inn á völlinn. Þetta athæfi vakti mikla athygli hjá netverjum sem gerðu stólpagrín af manninum.

Guðmundur Benediktsson lýsir leiknum á Stöð2Sport og sá spaugilega hlið á þessu. „Þessi meistari leit vel út, virkaði í góðu standi, Covid standi. Við sýnum þetta kannski hægt í hálfleik,“ sagði Guðmundur í beinni útsendingu.

Fjallað er um Olmo García, strípalinginn í spænskum blöðum en hann er þekktur fyrir að vera án klæða á meðal almennings á Spáni. Hann hefur meðal annars labbað í verslunarmiðstöð án klæða.

Lýsingu Gumma Ben á atvikinu má heyra hér að neðan.