Hákon Rafn Valdimarsson markvörður Gróttu í Lengjudeildini er að ganga í raðir Elfsborg í Svíþjóð. Frá þessu greindi Kristján Óli Sigurðsson í hlaðvarpsþættinum, Dr. Football í dag.

Hákon sem er 19 ára gamall átti ágætis spretti með Gróttu í efstu deild síðasta sumar en fjöldi félaga hefur skoðað hann.

Elfsborg varð í öðru sæti í úrvalsdeildinni í Svíþjóð á síðasta ári en félagið hefur sex sinnum orðið meistari þar í landi.

Hákon var þriðji markvörður U21 árs landsliðsins á Evrópumótinu í Ungverjalandi á dögunum.

Búist er við því að Hákon skrifi undir hjá Elfsborg á næstu dögum en viðræður eru á lokastigi.