Bournemouth og Watford mættust í dag á Vitality-vellinum, heimavelli Bournemouth, í ensku Championship-deildinni í dag. Fyrir leikinn voru Bournemouth í sjöunda sæti deildarinnar með 49 stig en Watford í því þriðja með 60 stig. Bæði lið féllu úr ensku úrvalsdeildinni á síðasta tímabili og eru í harðri baráttu um að komast aftur upp í deild þeirra bestu.

Liðin buðu upp á hörku leik en það voru heimamenn í Bournemouth sem fóru með sigur af hólmi með marki frá Arnaut Danjuma á 61. mínútu.

Tvö rauð spjöld voru gefin í leiknum en bæði komu alveg undir lok uppbótartímans. Joao Pedro, framherji Watford, fékk sitt annað gula spjald á tveimur mínútum og var sendur í sturtu á sjöttu mínútu uppbótartíma. Eftir tæklinguna sauð allt upp úr á milli liðana og var Jack Wilshere, leikmanni Bournemouth, einnig vikið af velli með sitt annað gula spjald en hann hafði einnig fengið sitt fyrra gula spjald aðeins nokkrum mínútum áður.

Myndband af slagsmálunum má sjá hér.