Stjörnufræðingar telja sig hafa fundið áður óþekkta plánetu á braut um Alpha Centauri A sem er sú stjarna sem er einna næst jörðinni að sólinni okkar undanskilinni.

Stjörnufræðingar sáu skæran punkt nærri Alpha Centauri A, sem er önnur tveggja stjarna sem eru svo nánar að þær eru á braut um hvor aðra. Þær eru svo nálægt hvor annarri að þær virðast vera ein stjarna þegar horft er til himins. Þær eru í 4,37 ljósára fjarlægð frá jörðinni en það þykir ekki langt á mælikvarða stjörnufræðinga.

En stjörnufræðingarnir eru ekki alveg vissir að um plánetu sé að ræða og segja því aðeins að um hugsanlegan „kandídat“ sé að ræða. Þeir hafa ekki enn útilokað að um loftstein sé að ræða, ryk eða ófyrirséða tæknibilun í tækjabúnaði þeirra. The Guardian skýrir frá þessu.

Stjörnufræðingarnir notuðu the Very Large Telescope (VLT) sem í Atacama eyðimörkinni í Chile við rannsóknir sínar.