Liverpool tekur á móti Manchester City í 23. umferð ensku úrvalsdeildarinnar í dag. Leikið verður á Anfield, heimavelli Liverpool og hefst leikurinn klukkan 16:30.
Liverpool er í 4. sæti deildarinnar með 40 stig fyrir leik dagsins, sjö stigum á eftir toppliði Manchester City sem á einnig leik til góða á Liverpool.
Heimamenn töpuðu í síðustu umferð deildarinnar á heimavelli gegn Brighton og vilja án efa komast aftur á sigurbrautina og minnka bilið í Manchester City.
Liverpool er án nokkurra sterkra leikmanna. Virgil Van Dijk, Joe Gomez, Joel Matip og Diogo Jota eru meðal þeirra sem eru frá vegna meiðsla.
Það eru hins vegar góðar fréttir fyrir liðið að Sadio Mané og Alisson eru báðir orðnir heilir heilsu og eru í byrjunarliðinu.
Byrjunarlið Liverpool:
Alisson, Robertson, Alexander-Arnold, Henderson, Fabinho, Thiago, Wijnaldum, Jones, Salah, Firmino, Mane
Manchester City er á fljúgandi siglingu í deildinni. Síðasti tapleikur liðsins kom gegn Tottenham þann 21. nóvember 2020. Liðið hefur fengið á sig fæst mörkin í deildinni, alls 13 talsins en sóknarleikur liðsins hefur einnig verið góður á tímabilinu þar sem liðið hefur skorað 39 mörk.
Manchester City spilar án Kevin De Brunye, Sergio Aguero og Nahtan Aké sem eru allir frá vegna meiðsla.
Byrjunarlið Manchester City:
Ederson, Cancelo, Dias, Stones, Zinchenko, Gundogan, Rodri, Bernardo, Sterling, Mahrez, Foden
