Sparkspekingurinn, Hjörvar Hafliðason fullyrðir að Rúnar Alex Rúnarsson verði ekki í byrjunarliði Arsenal á morgun er liðið heimsækir Aston Villa.

Bernd Leno verður í banni en hann fékk rautt spjald í leik gegn Wolves í vikunni og Rúnar Alex tók stöðu hans.

Samkvæmt Hjörvari hefur Arsenal tekist að tjasla Mat Ryan saman en hann glímdi við meiðslunni í vikunni. Markvörðurinn sem er á láni frá Brighton mun þreyta frumraun sína fyrir félagið á morgun ef marka má Hjörvar.

Rúnar Alex gekk í raðir Arsenal síðast haust frá Dijon og hefur mikið verið til umræðu eftir mistök gegn Manchester City í desember.

Mikel Arteta ræddi málefni Rúnars í gær. „Hann leggur mjög mikið á sig og er mjög vel liðinn í búningsklefanum. Hann er góður drengur, hann er mjög hógvær og þarf að halda sig frá sviðsljósinu til að bæta sig.“

„Rúnar vissi hvaða hlutverk hann fengi þegar hann kom hingað. Við vorum með plan fyrir markvarðarstöðuna. Hlutverk Rúnars hefur ekkert breyst.“

Rúnar var hent út úr hópi Arsenal í Evrópudeildinni í gær til að koma Mat Ryan fyrir.

„Hann þarf að vinna fyrir því að fá tækifæri, hann þarf að vinna fyrir sínu sæti. Hann er þriðji, annar eða fyrsti kostur. Það fer eftir frammistöðu, hann þarf að vinna fyrir því.“

Náðum að virkja samtalið við Norður Lundúnir. Því miður byrjar Maty Ryan á morgun gegn Villa samkvæmt okkar manni.https://t.co/l3XkJ861hO

— Hjörvar Hafliðason (@hjorvarhaflida) February 5, 2021