Peter Madsen hefur játað að hafa myrt sænsku blaðakonuna Kim Wall um borð í kafbáti sínum í ágúst 2017. Hann hefur alla tíð neitað sök í málinu en samt sem áður var hann fundinn sekur um að hafa myrt Wall og dæmdur í lífstíðarfangelsi.

Í nýrri þáttaröð frá Discovery Networks “De hemmelige optagelser” játar Madsen verknaðinn á sig í samtali við þáttagerðarmann. BT skýrir frá þessu. Fram kemur að Madsen hafi játað að hafa pyntað Wall, myrt og hlutað lík hennar í sundur. Hann hafði fram að þessu aðeins viðurkennt ósæmilega meðferð á líki en í því fólst að hann hafði sagað líkið í sundur til að reyna að leyna glæpnum.

„Það er enginn vafi á hver ber sökina. Það er mín sök að hún dó. Það er mín sök af því að ég framdi afbrotið. Þetta er allt saman mín sök,“

segir hann í þættinum samkvæmt því sem segir í tilkynningu frá Discovery Networks.

Í rúmlega 20 klukkustunda samtali við þáttagerðarmann frá Discovery Networks játar Madsen að hafa myrt Wall.

„Ég man eftir hverri millisekúndu af þessari kafbátsferð,“

segir hann.

Þátturinn verður tekinn til sýninga í tak.