Laxveiðin er allt í lagi en aftur á móti hefur silungsveiðin víða verið mjög góð og veiðimenn verið að fá flotta veiði. Hraunsfjöðurinn hefur verið frábær og mokveiði á köflum, mest allt bleikjur.

,,Við vorum í Hítarvatni á Mýrum  og fengum flotta veiði, vatnsstaðan í vatninu er flott þessa dagana og fiskurinn í tökustuði, fékk bæði bleikjur og urriðar, sæmilega fiska,“ sagði veiðimaður sem var í vatninu fyrir skömmu og veiddi vel.

Þeir félagarnir Jóhann Örn Guðmundsson og Kári Hrafn Kristjánsson voru í góðra vina hópi við Apavatn. Vatnið hefur verið að gefa ágætlega það sem af er sumri og hópur veiðimanna fengið flotta urriða.

,,Við fengum átta fiska, allt urriða,“ sagði einn aðstoðarmaðurinn við veiðiskapinn við  Apavatn,  Ingvar Bender,  um veiðiskapinn við vatnið.

Mynd. Jóhann Örn Guðmundsson og Kári Rafn Kristjánsson með flotta fiska úr vatninu.