Hjónunum Jason og Misty Laska brá mjög í brún nýlega þegar þau opnuðu pizzukassa frá Little Caesar veitingastað í Ohio. Þau höfðu pantað pizzu með pepperoní og hafði pepperoníið verði notað til að mynd hakakross.

CNN skýrir frá þessu. Hjónunum brá mjög við þetta og birtu í kjölfarið mynd af pizzunni á samfélagsmiðlum.

„Í smá stund sögðum við ekki neitt, þar til konan mín spurði mig hvort ég ætti hlut að máli.“

Sagði Jason í samtali við CNN og bætti við að hann hefði ekki haft neitt með þetta að gera.

Hjónin birtu myndir af pizzunni og settu sig í samband við eiganda veitingastaðarins.

„Það eru atburðir eins og þessi sem halda lífi í því hatri sem er til staðar í heiminum. Við höfum öll þörf fyrir það gagnstæða á þessum tímum.“

Sagði Jason.

Tveir starfsmenn veitingastaðarins játuðu að hafa gert hakakrossinn á pizzuna og eru þeir nú atvinnulausir.

„Við höfum ekkert umburðarlyndi gagnvart kynþáttahatri og misrétti í hvaða formi sem það er og það voru mikil vonbrigði að þetta skyldi gerast. Þetta gengur þvert á þau gildi sem við stöndum fyrir.“

Sagði Jill Proctor, talsmaður Little Ceasar keðjunnar.