Luke Shaw, bakvörður Manchester United leggur til að byrjað verði frá byrjun næsta haust ef ekki tekst að klára mótið á næstu vikum.
Enska deildin er í pásu vegna kórónuveirunnar og óvíst er hvenær ballið byrjar á ný, ef það byrjar. EF mótið yrði blásið af, er líklegt að Liverpool verði ekki enskur meistari eins og allt stefndi í.
Ekki eru allir á sama máli, enda lið í næstu efstu deild sem vilja komast upp um deild og fleira í þeim dúr.
,,Það á þá bara að blása mótið af og byrja frá byrjun næsta haust, það verður að vera þannig. Ef ekki er hægt að halda áfram, þá telur þetta móti ekki,“ sagði Shaw.
,,Stuðningsmenn eru svo mikilvægir, þú tekur eftir því í dag. Íþróttir eru fyrir áhorfendur, að spila án stuðningsmanna er skrýtið.“
,,Stuðningsmenn hjálpa liði á leikdegi, hvort sem að er heima eða að heiman. Stuðningsmenn United eru okkur mikilvægir.“
