Borgin Shenzhen í suðaustur- Kína er fyrsta borgin sem bannað hefur hunda – og kattaát þar í landi. Bannið tók gildi í gær og lögum samkvæmt má því ekki lengur leggja sér kött eða hund til munns, eða hvert það dýr sem alið er upp sem gæludýr.
Í febrúar var bannað að borða villt dýr í öllu landinu, í kjölfar útbreiðslu kórónuveirunnar, en ennþá má borða kjöt hefðbundins búfénaðar, auk fiskmetis.
Sektin við að borða gæludýr verður 30 falt andvirði skepnunnar, sé virði dýrsins minnst 200 þúsund krónur. Þannig verður sektin minnst sex milljónir króna fyrir þá sem standast ekki freistinguna.
Kórónuveiran er rakin til kjötmarkaðar í Wuhan í Kína sem lýst hefur verið sem viðbjóðslegum, þar sem ekki er haft neitt fyrir hreinlæti, og blóðvökvi ýmissa dýrategunda berist auðveldlega á milli.
Sjá nánar: Ólýsanlegur viðbjóður og sóðaskapur á matarmörkuðum í Wuhan
