Árið 2017 fann Hildur Lilliendahl upp orðið Epalhommi í kjölfar rimmu sjónvarpsmannsins Sindra Sindrasonar og aktívistans Töru Margrétar Vilhjálmsdóttur en þau ræddu um fitusmánun og hvort þeirra teldist tilheyra minnihlutahópi, en Sindri er samkynhneigður.
Skömmu eftir þetta birti húsgagnaverslunin Epal auglýsingu þar sem þekktir hommar voru myndaðir.
Í óveðrum vetrarins hafa veðurfræðingar verið mjög í sviðsljósinu og í dag birtist í Fréttablaðinu þessi auglýsing sem Brandenburg hannaði fyrir Epal. Veðurfræðingarnir taka sig ekki síður vel út en hommarnir glæsilegu um árið.