Mikil jarðskjálftavirkni var norðnorðaustur af Grindavík í gærkvöld og í nótt. Milli þrjú og fjögur hundruð skjálftast mældust á svæðinu, þeir stærstu voru 4,0 og 4,3 í gærkvöld. Skjálftarnir fundust á Reykjanesi, höfuðborgarsvæðinu og upp í Borgarfjörð.

Þetta eru jafnframt stærstu skjálftar sem hafa mælst frá því að virkni hófst 21. janúar. Yfir 150 tilkynningar hafa borist Veðurstofunni um að þeir hafa fundist á Reykjanesskaganum, á Höfuðborgarsvæðinu og á Akranesi.

Töluvert hefur dregið úr virkninni nú í morgun en gera má ráð fyrir að þessi hrina haldi áfram.