Breiðablik er búið að selja Kristian Nökkva Hlynsson til Ajax. Hann hefur skrifað undir hjá stórveldinu. Blikar hafa staðfest þetta.

Kristian, sem er fæddur árið 2004, er sóknarsinnaður leikmaður sem nýtur sín best fremstur á miðju.

Kristian hefur staðið sig afar vel bæði með Blikum sem og yngri landsliðum Íslands þar sem hann hefur spilað upp fyrir sig. Í sumar fór Kristian með 3.flokki karla til Hollands á elítumót og var þar valinn besti leikmaður mótsins af mótshöldurum. Ajax kom auga á hann þar.

Kristján Óli Sigurðsson, sérfræðingur Dr. Football sagði á dögunum að Ajax myndi greiða metfé fyrir ungan leikmann frá Íslandi, til að tryggja sér starfskrafta hans.