Paul Scholes, fyrrum miðjumaður Manchester United segir að það gæti verið lausn til skamms tíma fyrir félagið, að fá Mesut Özil frá Arsenal.
Arsenal vill losna við Özil og United vantar skapandi miðjumenn, Scholes telur að þýski miðjumaðurinn gæti verið góð lausn.
,,Hann fær ekkert að vera með hjá Arsenal, hann er leikmaður sem getur búið til hluti,“ sagði Scholes.
,,Hann hefur frábæra hæfileika, það hefur sést á ferli hans. Hann gæti verið lausn til skamms tíma.“
,,Ef hann væri til í launalækkun gæti það gerst. Ég sé þetta ekki gerast en til skamms tíma er hann leikmaður sem United vantar.“
