Rafael van der Vaart, fyrrum leikmaður hollenska landsliðsins segir að dýrasti varnarmaður í heimi, Harry Maguire geti ekki neitt.

Van der Vaart segist geta fundið þrjá leikmenn eins og Maguire þegar hann horfi á áhugamenn spila.

,,Þegar ég horfi á áhugamenn spila á sunnudegi, þá finn ég þrjá leikmenn eins og Maguire. Mér er alvara,“ sagði Van der Vaart.

Maguire gekk í raðir Manchester United í sumar og varð þá dýrasti varnarmaður í heimi.

,,Þetta gæti hljómað asnalega, en hann heyrir þetta nú ekki. Við erum að tala um mann sem kostaði 90 milljónir Evra, í dag er Van Dijk þá 300 milljóna evra maður.“

,,Þetta er bara fyndið, ég horfði á hann í Þjóðadeildinni og þá töluðum við um Maguire sem slaksta leikmann vallarins.“