Hátt í 50 þúsund manns hafa deilt sjálfsmynd sem hin 13 ára gamla Paris Harvey birti á Twitter síðu sinni á dögunum. Þar má sjá Paris á baðfötunum einum fata en eftir að hafa þurft að hafa verið lögð í einelti í mörg ár vegna holdafars síns ákváð hún að svara fyrir sig í eitt skipti fyrir öll.

Þetta kemur fram á vef Metro. Paris þjáist af efniskiptasjúkdómi sem gerir það að verkum að hún á einkar auðvelt með að bæta á sig kílóum en á hins vegar erfitt með að losa sig við þau. Þá er annar fótur hennar styttri en hinn sem gerir það að verkum að gengur hölt. Kveðst hún hafa orðið fyrir endalausri stríðni og aðdróttunum frá skólasystkinum sínum í gegnum tíðina. Þau hafi kallað hana mörgæs vegna göngulagsins og komið með andstyggilegar athugasemdir um holdafar hennar.

Kveðst hún kjölfarið hafa orðið svo óörugg með líkama sinn að hún hafi helst viljað láta sig hverfa. Hún fór að trúa athugasemdum skólasystkina sinna en segir sárt að sjá fólk halda því fram að hún sé í ofþyngd vegna leti eða skorts á sjálfsaga.

„Ég varð mjög óörugg með útlit mitt. Ég get borðað það sama og manneskjan sem situr við hliðina á mér og samt bætt á mig. Það er ekki eins og ég sé heima hjá mér allan daginn að borða snakk. Mér finnst samt að ég eigi ekki að þurfa að afsaka mig.“

Paris ákvað að lokum að horfast í augu við sinn mesta ótta. Hún fór á baðströnd, íklædd sundbol en það hafði hún ekki gert í þrjú ár. Segist hún hafa óttast að aðrir strandargestir myndu stara á hana með hneykslan eða hreyta í hana ófögrum orðum. Sá ótti reyndist hins vegar ástæðulaus.

Í kjölfarið birti Paris myndir af sér á ströndinni á Twitter. Þó svo að nokkrir netverjir hafi ekki getað setið á sér og gagnrýnt vaxtarlag Paris hafa viðbrögðin í heildina verið gífurlega góð. Hafa hundruðir einstaklinga sent henni hjartnæmar kveðjur og hvatningarorð.

Omg so I faced my biggest fear today and went to the beach in a swimsuit☺️🏳️‍🌈 pic.twitter.com/eeSKUE581x

— Paris (@ArtHopeAlly) May 27, 2017

„Ég held ég viti af hverju þú varst svona hrædd,“ skrifar einn Twitter notandi. „Það er af því að þú ert sætasta stelpan á ströndinni og þú varst hrædd um að allir yrðu öfundsjúkir út í þig.“ Þá skrifar önnur kona athugasemd og þakkar Paris fyrir framtakið sem hafi gert það að verkum að hún þorði loksins að taka af skarið og láta sjá sig úti á götu í stuttbuxum.

Birtist fyrst á DV.is