Niðurstöður rannsóknarinnar sýna að það eru afar litlar líkur á því að fá blóðtappa í hjartað fyrir fimmtugt ef maður reykir ekki, segir Michael Mæng yfirlæknir á hjartadeild Sjúkrahússins í Árósum, en hann fór fyrir þeim hópi vísindamanna sem framkvæmdi rannsóknina.
Á ári hverju fá um það bil 1.000 Danir á aldrinum 30 til 50 ára blóðtappa í hjartað, í aldurshópnum 50-80 ára er talan öllu hærri eða um 9.000. Yfirlæknirinn giskar á að fjöldi þeirra sem fá blóðtappa myndi lækka frá 1.000 niður í 250 á ári ef enginn reykti. Það eru eiturefni í tóbaksreyknum sem fara út í blóðið og safnast hægt og rólega innan á æðaveggina með þeim afleiðingum að æðarnar þrengjast og blóðtappar geta myndast. Einnig hefur tóbak þær afleiðingar að blóðið þykknar, sem einnig eykur líkurnar á blóðtappa.
Niðurstöðurnar koma Charlotta Pisinger, prófessor í tóbakforvörnum ekki á óvart, þær séu í samræmi við rannsóknir í öðrum löndum. Hú vonast til að niðurstöðurnar muni vekja ungt reykingafólk til umhugsunar, hún vonast til að þetta muni hvetja reykingafólk til að taka sig saman í andlitinu og hætta strax að reykja.
