Eins og greint hefur verið frá mun leikarinn Jóhannes Haukur Jóhannesson taka að sér að vera stigakynnir Íslands í Eurovisionkeppninni á laugardaginn. Það verður fróðlegt að sjá hvernig hann munn túlka hlutverkið en hann hefur fengið ráðleggingar úr öllum áttum.

Í samtali við mbl útilokaði Jóhannes Haukur ekki að fatavalið hans muni endurspegla íslenska framlagið í Eurovision.

„Aðaláskor­un­in er að stand­ast þá freist­ingu að gera eitt­hvað úr þessu. Ég ein­set mér að hafa þetta bara fum­laust. Áfram með smjörið. Kynna stig­in,“ sagði Jóhannes við mbl.

Á Facebook-síðu vakti Jóhannes svo athygli á því að stóra spurningin er ekki í hvaða fötum hann verður, heldur hvað hann segir og með hvaða hreim.

„Stærri spurning er, á ég að tala með íslenskum hreim eða beita þeim breska, sem ég hef náð töluverði valdi á með hjálp fagaðila? Og á ég að segja „Hello Tel Aviv“ eða „Shalom aleichem Tel Aviv“.

Og enn fremur á ég að þakka þeim fyrir “a wonderful show” eða ekki?!????!!!

….. þetta er stærra en ég gerði mér grein fyrir.“

Að vanda stóð ekki á svörum á Facebook, þar sem margir  komu með tillögur og ráðleggingar.

„Íslenskur hreimur, eins og Björk, það er sexí. Ekkert hjal, fólkið vill heyra stigin strax. Shalom aleicken Tel Aviv er flott, það er nóg af ensku í þessu showi,“ sagði söngvarinn geðþekki Bergþór Pálsson. Ekki hafði Bergþór þó sagt hug sinn allan því hann bætti við annari athugasemd þar sem hann gaf Jóhannesi og landsmönnum öllum gott ráð varðandi atkvæðagreiðsluna: „Ef við fáum mörg stig, passa að gefa tíu og tólfu þeim sem eiga engan séns. Við lyftum ekki þeim sem eru í samkeppni, eins og gerðist þegar Selma var í öðru sæti.“