Viðskiptaráðherrann fyrrverandi lét af störfum sem sveitarstjóri Ásahrepps árið 2015 eftir að hann nýtti greiðslukort sveitarfélagsins til persónulegra nota. Neitaði Björgvin að um ásetningsbrot væri að ræða en sagðist hafa gerst sekur um dómgreindarbrest. Mætti rekja það til áfengisneyslu og ætlaði hann því í meðferð.
Árið 2006 keyrði Eyþór Arnalds, núverandi borgarfulltrúi, ölvaður á ljósastaur við Kleppsveg og flúði af vettvangi. Var það í kjölfar sveitarstjórnarkosninga og Eyþór var oddviti Sjálfstæðisflokksins í Árborg. Í kjölfarið dró hann sig úr kosningabaráttunni og fór í meðferð.
Utanríkisráðherrann fyrrverandi var sá sem talaði hvað hæst og digurbarkalegast á Klaustri bar í nóvember síðastliðnum. Viðurkenndi hann til að mynda að hafa skipað Geir H. Haarde sem sendiherra til að eiga greiða inni hjá Sjálfstæðismönnum. Í viðtali hjá Hringbraut sagðist Gunnar hafa farið í algjört „blackout“ og hefði ekkert munað eftir kvöldinu.
Klausturbróðir Gunnars, Bergþór Ólason, var hvað orðljótastur á Klaustri. Um Lilju Alfreðsdóttur menntamálaráðherra sagði hann: „Þarna loksins kom skrokkur sem typpið á mér dugði í.“ Bergþór lét ekki ná í sig lengi eftir uppákomuna en sneri síðan til baka og sagðist hafa átt viðtöl við áfengisráðgjafa. Hann ætlaði þó ekki í meðferð til að haka í einhver box.
Sigurður Kári var nýkjörinn á þing, árið 2003, þegar upp komast að hann hefði misst bílprófið vegna ölvunaraksturs. Sigurður sagðist hins vegar hafa sest of snemma undir stýri, daginn eftir drykkju. Hann er nú meðeigandi lögmannsstofunnar sem rekur mál Klausturbræðra.
