Reynir Bergmann, stuðningsmaður Liverpool og áhrifavaldur stendur fyrir uppboði þessa dagana. Fanney Eiríksdóttir fékk að vita að hún væri með krabbamein degi eftir að hún fékk að vita að hún ætti von á dreng, hún fær allan ágóðann af þessu uppboði.
Þegar Fanney var gengin um 20 vikur fór að blæða lítillega hjá henni. Hún hringdi upp á kvennadeild og fór í skoðun. Ekkert óeðlilegt kom út en sýni var tekið. Hún þurfti að koma aftur til að láta taka klípusýni úr leghálsinum því leitarstöðin var lokuð vegna sumarfría.
Stuðningsmenn Liverpool á Íslandi, hvetja alla sem styðja liðið að taka þátt og reyna að styrkja Fanney og fjölskyldu hennar.
„[Læknarnir sögðu] þú hefur aldrei verið með neinar frumubreytingar. Frumubreytingar eru 10-15 ár að verða að krabbameini í rauninni. Það var rosalega mikið verið að hughreysta mig,“ segir Fanney í Ísland í dag.
Sýnið var tekið á fimmtudegi og fékk Fanney niðurstöðurnar á mánudegi. Hún var með krabbamein. „Ég held við höfum pínu frosið,“ segir Fanney. „Eina sem hann sagði síðan var hvort hann mætti skoða mig aðeins betur. Þá brotnaði ég pínu saman, byrjaði að gráta en svo hristi ég það af mér og lagðist á bekkinn og leyfði honum að skoða mig.“
Reynir sem stendur fyrir þessari söfnun en hann selur Liverpool platta, sem hægt er að hengja upp á vegg.
,,Eftir að ég horfði á Island í dag í vikunni varð ég mjög lítill í mér og fór að hugsa hvað lífið er ósanngjant og langaði mér að gera allt til að hjálpa elsku Fanney og börnum hennar,“ skrifar Reynir á Instagram
,,Ég ákvað að nota mátt og stærð samfélagsmiðils míns og bjóða þennan magnaða handskorna stál Liverpool veggplata til sölu hæstbjóðandi og mun allir peningurinn renna til Fanneyjar, stærð plattans er 65*45.“
Sem stendur er hæsta boð 155 þúsund krónur en hægt er að bjóða í verkið með þvi að smella á myndina hér að neðan.
