Nú standa yfir sýningar á raunveruleikaþáttaröðinni Ex on the Beach í Danmörku. Meðal þátttakenda er íslensk kona Sara Rún Ísafold. Þættirnir snúast í stuttu máli um að ungt fólk dvelur á sólarströnd þar sem allt flýtur í áfengi. Síðan eru fyrrum unnustar og unnustur fengnir til að koma á svæðið í þeirri von að þá fari allt í bál og brand. Auk þess standa vonir þáttagerðarmanna og væntanlega áhorfenda til að eitthvað af unga fólkinu dragi sig saman og stundi helst kynlíf fyrir framan upptökuvélarnar.

Í gærkvöldi var nýjast þátturinn sýndur á Kanal 4 og höfðu auglýsingar á þættinum vakið töluverða athygli áður en hann var tekinn til sýninga. Ekstra Bladet, stærsti netmiðill Danmerkur, fjallaði um þáttinn og það sem gerðist í honum síðdegis í gær og er sú umfjöllun ein sú mest lesna á vef miðilsins undanfarinn hálfan sólarhring.

Í þættinum í gær var nýr þátttakandi kynntur til sögunnar. Hann hefur áður komið fram í þáttunum en þó ekki þeirri þáttaröð sem nú er í sýningu. Hann heitir Morten og þykir ansi stór og sterklegur og heillar kvenfólkið greinilega upp úr skónum.

Óhætt er að segja að konurnar í þætti gærkvöldsins hafi tekið komu Morten fagnandi en Sara Rún og ummæli hennar vöktu þó mesta athygli þegar tilkynnt var um komu Morten:

„Ég er svo blaut.“

Sagði hún og ekki var hægt að misskilja hvað hún átti við enda látbragð hennar einnig skýrt.

Hér geta áhugasamir séð myndbrotið þar sem konunum er sagt að Morten sé mættur til leiks.