Scarlett Johansson er skilin að borði og sæng við eiginmann sinn, Romain Dauriac, tveimur árum eftir að þau gengu í hjónaband. Þau sáust síðast saman opinberlega í október síðastliðnum við opnun sælkeraverslunar sinnar, Yummy Pop, í París.

Tímaritið People segir að Scarlett og Romain hafi skilið að borði og sæng síðastliðið sumar en í vikunni sást Scarlett ganga um götur New York-borgar. Athygli vakti að hún var ekki með giftingarhring á höndinni.

Í kjölfarið greindi slúðurtímaritið Us Weekly frá því að Scarlett hefði tekið ákvörðun um að enda sambandið þar sem hún taldi að þau hjónin ættu ekki samleið og raunar fátt sameiginlegt. Scarlett og Romain gengu í hjónaband í Montana í Bandaríkjunum í október 2014, skömmu eftir fæðingu dóttur þeirra.