Ole Gunnar Solskjær hefur unnið 13 af 16 leikjum sínum sem stjóri Manchester United, eina tapið kom gegn PSG í Meistaradeildinni.
Um var að ræða fyrri leik liðanna í 16 liða úrslitum en leikurinn fór fram á Old Trafford, United þarf því kraftaverk í París á miðvikudag.
Til að gera stöðuna verri eru mikil meiðsli í herbúðum United. Solskjær verður án Anthony Martial, Nemanja Matic, Phil Jones, Jesse Lingard, Juan Mata, Ander Herrera, Alexis Sanchez, Antonio Valencia, Matteo Darmian og Paul Pogba sem er í banni.
Sama hvernig fer á morgun er talið að Solskjær muni fá starfið hjá United, hann hefur breytt miklu á stuttum tíma. Stjórn United er farin að hallast að því að Solskjær sé rétti maðurinn.
Ensk blöð hafa tekið saman fimm ástæður þess að Solskjær fái starfið.
Leikmenn eru sannfærðir að hann fái starfið
Leikmenn United elska að spila fyrir Solskjær og hafa látið vita af því að þeir vilji halda honum.
Stjórnin kann vel við það hvernig hann bætir unga leikmenn
Solskjær hefur náð meira fram úr Anthony Martial, Marcus Rashford og fleiri ungum leikmönnum.
Stjórnin er ánægð með það hvernig hann stýrt liðinu í meiðslavandræðum
Tíu leikmenn eru meiddir þessa stundina en United hefur samt sem áður haldið flugi.
Hann er miðpunktur í nýrri auglýsingaherferð
Auglýsing var tekinn upp á dögunum fyrir næstu leiktíð, þar var Solskjær miðpunktur í nýrri herferð.
Félagið er ekki að ræða við neinn annan stjóra
Nöfn sem áður voru orðuð við liðið eru ekki lengur nefndir til sögunnar eftir frammistöðu Solskjær.
