Ef þú ert sérfræðingur í kynlífi þá er hugsanlega tækifæri fyrir þig til að gera smá pening úr þessari sérfræðikunnáttu. Par frá Warwickshire á Englandi er að leita að kynlífssérfræðingi til að horfa á upptöku af þeim stunda kynlíf og gefa þeim síðan ráð um hvað má bæta í kynlífinu.

„Við stundum enn kynlíf nokkrum sinnum í mánuði en það er sjaldan sem við erum bæði sátt við það.“

Segir í auglýsingu þeirra á bark.com.

„Við reynum að láta þetta ganga hjá okkur og við löðumst enn kynferðislega að hvort öðru og elskum hvort annað en skortur á kynferðislegri ánægju er farinn að hafa áhrif á aðra þætti sambandsins. Við þörfnumst hjálpar skjótt því annars óttumst við að sambandið gæti endað og því leitum við að kynlífssérfræðingi eða ráðgjafa til að hjálpa okkur að sjá hvað við erum að gera rangt og gefa okkur ráð svo við getum kynt ástareldinn að nýju og endurlífgað frábært kynlíf okkar og hjónaband.“

Þau vilja því fá atvinnumann/konu til að setjast niður með sér og ræða þarfir þeirra og hversu mörgum sinnum þau þurfi að hitta viðkomandi.

„Ófrávíkjanleg krafa okkar er að viðkomandi verður að horfa á myndband af okkur stunda kynlíf og greina hvað við gerum rangt og segja okkur svo frá því.“

En það geta ekki allir sótt um því ástargúrúinn verður að hafa að minnsta kosti 10 ára reynslu af kynlífsráðgjöf og verður að skrifa undir þagnareið. Fyrir rétta sérfræðinginn er parið jafnvel reiðubúið til að greiða meira 1.000 pund sem þau auglýsa sem greiðslu fyrir vinnuna en það svarar til um 150.000 íslenskra króna.