Í gær var Gil Cisneros lýstur sigurvegari í baráttunni um síðasta þingsæti Kaliforníu í fulltrúadeild Bandaríkjaþings en kosningarnar fóru fram þann 6. nóvember. Hann fullkomnaði þar með stórsigur demókrata í þessu stærsta ríki Bandaríkjanna. Nú eru demókratar með 45 af 53 þingsætum Kaliforníu í fulltrúadeildinni. Demókratar bættu við sig 6 þingsætum frá síðustu kosningum fyrir tveimur árum.

Flest sætanna unnu þeir í Orange County sem hefur fram að þessu verið traustur heimavöllur repúblikana í þessu sterka ríki demókrata. Með sigri Cisneros í Orange County eru öll sjö kjördæmi sýslunnar nú á bandi demókrata að hluta eða öllu leyti. Það er í fyrsta sinn síðan 1940 að það gerist.

Cisneros er uppgjafahermaður, mannvinur og lottómilljónamæringur en hann vann 266 milljónir dollara 2010.