Hörður Magnússon, einn fremsti íþróttafréttamaður þjóðarinnar og fyrrum landsliðsmaður í knattspyrnu, var gestur í 90 mínútum, hlaðvarpsþætti 433.is.

Hörður hefur stýrt Pepsimörkunum í langan tíma og gert það vel, en eins og gengur og gerist þegar menn eru í sviðsljósinu kemur fram gagnýni. Sum á rétt á sér en önnur ekki.

Hörður er meðvitaður um það að hann verður aldrei allra og fór yfir þetta í 90 mínútum. Gagnrýnin heyrist stundum. á Twitter.

,,Hjá einhverjum nokkrum þá mun ég aldrei ná í gegn, það skiptir ekki máli hvað. Twitter er að mörgu leyti mjög skemmtilegur miðill, en það er líka bara spjallborð á sterum. Það er mjög auðvelt að kasta einhverju fram á menn þar,“ sagði Hörður í þættinum.

Benedikt Bóas Hinriksson, blaðamaður á Fréttablaðinu, gagnrýndi þáttinn nokkuð harkalega í haust en Hörður á erfitt með að taka mark á þeirri gagnrýni.

Meira:
Benedikt Bóas fer ófögrum orðum um Pepsimörkin – ,,Þetta er svo þungt og svo leiðinlegt“

,,Gagnýni sem einn ágætur fyrrum kollegi, Benedikt Bóas hafði um Pepsimörkin í lok september. Mér fannst hún ósanngjörn, illa ígrunduð og algjörlega út úr kú. Þessi gagnrýni kom mér mjög á óvart, ef ég á að segja alveg eins og er.“

,,Ég veit ekki hvað það það er,  skortur á athygli eða hvað, að neikvæð athygli sé eitthvað? Hann á örugglega sína já menn, það var erfitt að taka gagnrýni hans alvarlega.“

Þáttinn með Herði má heyra í heild hér að neðan.