Lengi vel var frami og velgengni fólks beintengdur við bóknám þess. Síðustu ár hefur hins vegar mikið verið rætt um að bóknám henti ekki endilega öllum og að verknám séu jafn mikilvæg þegar kemur að frama og velgengni.
Mikið hefur verið lagt upp með að bjóða upp á margskonar iðn- og verknám sem hentar hverjum og einum.
Verkefnið Framapróf er samstarfsverkefni allra iðn- og verkmenntaskóla á landinu og Samtaka Iðnaðarins. Prófið var búið til, til þess að vekja athygli á hversu fjölbreytt nám er í boði í skólunum.
Niðurstöður prófsins eru beintengdar við svör frá nemendum sem eru í iðn- og verknámi og gæti því hjálpað fólki að velja sína braut.
Þema prófsins er Eurovision, því hvar væri Eurovision án iðn- og tæknimenntaðs fólks?
Prófið er þó til gamans gert og þeir sem hafa áhuga á því að kynna sér námsgreinarnar betur eru hvattir til þess að leita til námsráðgjafa skólanna.
Taktu prófið hér fyrir neðan til gamans og sjáðu hvort þú finnir nám þér við hæfi.
