Flestir fara einfaldlega í sturtu þegar þeir hafa tíma til þess, aðrir elska að fara nýþveginn að sofa á meðan aðrir geta ekki hugsað sér að byrja daginn öðruvísi en að fara í sturtu. Ný rannsókn bendir til þess að það er munur á því hvort maður fer í sturtu á morgnanna eða á kvöldin, hefur það bæði kosti og galla.

Tania Elliott, ofnæmislæknir frá Engaging Healthy Employees, segir í samtali við Insider að það sé jákvætt að fara í sturtu á morgnanna. „Morgunsturta er góður tími til að íhuga stuttlega og setja sér markmið fyrir daginn án truflunar.“

Joel Schlessinger, húðlæknir, tekur í sama streng og bendir á að það sé í það minnsta gott að skola sig í framan á morgnanna. Hann telur að það sé best að fara í sturtu á kvöldin, þá skoli fólk af sér allt það sem það hefur komist í snertingu við yfir daginn og það sé best fyrir heilsuna að fara hreinn að sofa. „Með því að baða sig fyrir svefninn þá kemur þú í veg fyrir að mögulegir skaðvaldar fyrir heilsuna séu með þér uppi í rúmi næstu átta tímana.“

Þau Elliott og Schlessinger eru sammála um að það sé best að fara í sturtu á kvöldin en Elliott mælir með að fólk fari einnig í 15 til 30 sekúnda kalda sturtu á morgnanna til að koma blóðflæðinu í gang.