Mesut Özil, leikmaður Arsenal, átti frábæran leik í kvöld er liðið vann Leicester City með þremur mörkum gegn einu.
Özil átti líklega sinn besta leik á tímabilinu en hann lagði upp eitt mark og skoraði annað í sigrinum.
Þjóðverjinn var að skora sitt 30. mark fyrir Arsenal í ensku úrvalsdeildinni og setti þar með nýtt met.
Özil er nú orðinn markahæsti Þjóðverjinn í sögu úrvalsdeildarinnar og tekur fram úr tveimur góðum.
Özil var áður með 29 mörk líkt og þeir Jurgen Klinsmann og Uwe Rosler. Hann hefur nú bætt það met.
Rosler skoraði 29 mörk fyrir Manchester City á sínum tíma og Klinsmann gerði 29 mörk fyrir Tottenham.
