Dómnefnd Hönnunarverðlauna Íslands hefur valið fjögur sigurstrangleg verk úr hópi yfir hundra tilnefninga sem bárust en hægt var að tilnefna framúrskarandi verk allan septembermánuð.

Eitt þessara verka mun hljóta Hönnunarverðlaun Íslands og peningaverðlaun að verðmæti 1.000.000 króna.

Verðlaunaafhendingin fer fram föstudaginn 2. nóvember en þá verður einnig veitt viðurkenning fyrir bestu fjárfestingu í hönnun.

Verkin fjögur sem tilnefnd eru í ár eru:

Snæfríð Þorsteins og Hildigunnur Gunnarsdóttir, grafískir hönnuðir, fyrir hönnun á bókum í áskrift hjá Angústúru forlagi.

Basalt arkitektar fyrir hönnun á The Retreat við Bláa lónið í samstarfi við Sigurð Þorsteinsson og Design Group Italia og svo hönnun á Geosea sjóböðunum á Húsavíkurhöfða.

PKDM Arkitektar og Teiknistofan Storð fyrir verkefnið Norðurbakka sem samanstendur af tveimur fjölbýlishúsum ásamt garði nálægt gömlu höfninni í Hafnarfirði.

Björn Steinar Blumenstein fyrir verkefnið Catch of the Day sem snýr að því að berjast gegn matarsóun í heiminum.

Nánari upplýsingar má finna hér.