Luke Shaw bakvörður Manchester United hrósar Jose Mourinho, stjóra sínum mikið. Mourinho hefur verið harður við Shaw en það virðist vera að borga sig.
Shaw hefur spilað allar mínútur United á þessari leiktíð, eitthvað sem margir sáu ekki gerast. Shaw hefur þakkað traustið og verið einn af fáum leikmönnum United sem hefur spilað vel.
Shaw hefur gengið í gegnum erfið ár, Mourinho hefur oft gagnrýnt hann harkalega og líkamlegt atgervi hans hefur verið til umræðu.
,,Mourinho gaf mér traustið í upphafi tímabil,“ sagði Shaw.
,,Ég held að það hefði verið frekar einfallt fyrir hann að losa sig við mig ef hann hefði ekki treyst mér.“
,,Hann hefur alltaf haft trú á mér, ég hef alltaf haft trú á sjálfum mér. Ég þurfti bara að komast á rétta braut aftur, hann á mjög stóran þátt í því. Hann gaf mér tækifærið og mér hefur tekist að vinna traust hans.“
,,Þetta hafa verið tvö mjög erfið ár andlega, þetta hefur gert mig sterkari. Mig langar að sanna hvað ég get gert.“
