Hjónin Hafsteinn Júlíusson og Karitas Sveinsdóttir hafa sett íbúð sína að Básenda á sölu.

Hjónin starfa bæði sem hönnuðir og reka saman hönnunarfyrirtækið HAF Studio þar sem þau framleiða vinsælar vörulínur. Þau hafa einnig séð um hönnun ýmissa fyrirtækja, nú síðast nýjasta veitingastað Hrefnu Sætran og félaga, Skelfiskmarkaðurinn að Klapparstíg, sem er einstaklega smekklega hannaður á þremur hæðum.

Íbúðin er í smáíbúðahverfinu í húsi sem er byggt á sjöunda áratugnum, hjónin héldu í upprunalegan stíl og innréttingar þegar íbúðin var endurnýjuð. Húsgögn eru nútímaleg og gamall og nýr stíll blandast skemmtilega saman í stórglæsilegri íbúðinni.

Finna má frekari upplýsingar um eignina hér.