Juan Mata, leikmaður Manchester United, hefur greint frá því hvaða leikmanni hann hefði elskað að spila með hjá félaginu.
Margir frábærir leikmenn hafa spilað á Old Trafford í gegnum tíðina en liðið er það sigursælasta í sögu ensku úrvalsdeildarinnar.
Mata kom sjálfur til United árið 2014 frá Chelsea og hefur síðan þá skorað 30 deildarmörk í 140 leikjum.
Spánverjinn er mikill aðdáandi fyrrum framherja liðsins, Eric Cantona, sem lék með liðinu frá 1992-1997.
,,Eric Cantona. Það er eitthvað mjög sérstakt við hann og ég hefði elskað að spila með honum. Kóngurinn,“ sagði Mata.
