Rúnar Alex Rúnarsson spilaði í kvöld sinn fyrsta leik fyrir lið Dijon í frönsku úrvalsdeildinni.
Dijon fékk erfiðan fyrsta leik en liðið heimsótti Montpellier og lenti undir strax eftir fimm mínútur.
Portúgalinn Pedro Mendes skoraði þá fyrir heimamenn og staðan 1-0 eftir fyrstu 45.
Dijon svaraði hins vegar frábærlega í síðari hálfleik en liðið jafnaði metin á 51. mínútu leiksins.
Sigurmark liðsins kom svo á 91. mínútu í uppbótartíma er Senou Coulibaly skoraði og fagnar liðið frábærum sigri í fyrstu umferð.