Líklegast óraði lögreglumönnunum í Norfolk í Virginíu ekki fyrir að tónlistarmyndband með þeim í aðalhlutverki ætti eftir að fara sigurför um netheima og vera eitt vinsælasta myndbandið þessa vikuna. En það er nú raunin með myndband sem þeir birtu á netinu á mánudaginn. Nú þegar hafa tugmilljónir manna horft á það og það hefur fengið mikla umfjöllun í fjölmiðlum víða um heim.

Í myndbandinu dansa lögreglumennirnir við undirtóna hins vinsæla lags „Uptown Funk“ með Bruno Mars og þykjast syngja. Myndbandið var gert eftir að lögreglumenn í Corinth í Texas skoruðu félaga sína í Norfolk á hólm en lögreglulið í Bandaríkjunum hafa verið iðinn við að búa til myndbönd sem þessi þar sem lögreglumenn þykjast syngja þekkt lög.