Króatía 2-1 England
0-1 Kieran Trippier(5′)
1-1 Ivan Perisic(65′)
2-1 Mario Mandzukic(108′)
Króatía hefur tryggt sér sæti í úrslitaleik HM í Rússlandi en liðið mætti Englandi í undanúrslitum í kvöld.
Englendingar byrjuðu leikinn mjög vel og eftir fimm mínútur var staðan orðin 1-0.
Kieran Trippier skoraði þá eitt af mörkum mótsins til þessa en hann smellti boltanum fallega í netið úr aukaspyrnu.
Staðan var 1-0 þar til á 65. mínútu leiksins er Ivan Perisic jafnaði metin fyrir Króatíu eftir fyrirgjöf Sime Vrsaljko.
Fleiri mörk voru ekki skoruð í venjulegum leiktíma og þurftu liðin því að fara í framlengingu.
Þar var eitt mark skorað en það gerðu þeir króatísku er Mario Mandzukic kom boltanum í netið.
Það dugði til sigurs fyrir Króatana og spilar liðið við við Frakkland í úrslitum mótsins en þetta er í fyrsta sinn sem liðið kemst í alla leið.