Íslenska landsliðið kom heim til landsins í gær eftir 18 daga ferðalag í Rússlandi, liðið hefur lokið keppni á Heimsmeistaramótinu í Rússlandi.
Liðið endaði með eitt stig úr þremur leikjum en það var samdóma álit um að liðið lagði allt í sölurnar.
Stundum er fótboltinn svona, þú færð ekki alltaf það sem þú leggur í leikina.
Jón Daði Böðvarsson lék einn leik í mótinu en hann hefur átt fast sæti í hópnum síðustu ár.
Jón Daði birtir frábæra mynd á Instagram í dag þar sem hann er aðeins sjö ára gamall í treyju Selfoss.
,,Hér er ég bara sjö ára krakki með drauma, frá Selfossi á HM. Takk fyrir stuðninginn,“ sagði Jón Daði.
