Hitabeltisstormurinn Alberto styrktist í gær og hreyfðist í norðurátt yfir Mexíkóflóa og stefnir á Flórída í Bandaríkjunum. Mörg þúsund íbúar ríkisins hafa verið fluttir frá heimilum sínum en veðurfræðingar telja að mikil flóð muni fylgja storminum. Alberto mun skella á Flórída nú í morgunsárið að íslenskum tíma.

Alberto er fyrsti Atlantshafsstormurinn sem fær nafn á þessu ári. Vindhraði mælist nú um 105 km/klst. Reiknað er með að allt að 30 cm úrkoma fylgi Alberto og muni aðallega falla á svæðinu frá Mississippi til vesturhluta Georgíu. Veðurfræðingar telja hættu á að skýstrókar muni myndast í miðhluta og norðanverður Flórídaríki samhliða komu Alberto.

Síðasta fellibyljatímabil var erfitt í Bandaríkjunum og Karabískahafinu. Einna verst fóru Texas, Flórída og Púertó Ríkó út úr þeim. Tjónið var metið á marga milljarða dollara og margir létust.