Létu rigningu ekki hafa áhrif á málstaðinn
Druslugangan var gengin frá Hallgrímskirkju í dag. Talið er að nokkur þúsund mans hafi gengið saman niður Skólavörðustíg og Laugarveg. Gangan endaði á Austurvelli þar sem ræður og tónleikar fóru fram.
Svo virðist vera sem göngugestir hafi ekki látið það á sig fá að ganga í rigningu þegar gengið var niður að Austurvelli. Þar tóku til máls Guðrún Ögmundsdóttir, tengiliður vistheimilanna, Júlía Birgisdóttir, sem rauf þögn um stafrænt kynferðislegt ofbeldi í Kastljósi og Hjálmar Sigmarsson, ráðgjafi hjá Stígamótum. Þá stigu á stokk pönkhljómsveitin Hermúllinn og að lokum söng Friðrik Dór nokkra vel valda smelli.
