Í þessu starfi Alþingismanns og ráðherra þá eignast maður marga kunningja en maður eignast ekki marga vini. Við Ólöf urðum fljótt mjög góðir vinir og ég fékk því að njóta töluverðra samvista við hana og fékk að kynnast fjölskyldu hennar líka, hún á frábæra fjölskyldu. Maðurinn hennar og börnin eru alveg yndislegt fólk. Maður er auðvitað bara virkilega sleginn yfir þessu því hún hafði svo margt til brunns að bera, ekki bara frábær stjórnmálamaður heldur frábært persóna. Þetta er bara svo rangt.

Þetta sagði Sigmundur Davíð Gunnlaugsson þingmaður Framsóknarflokksins í þættinum Eyjunni á ÍNN í gær um þau hörmulegu tíðindi sem bárust fyrr í vikunni að Ólöf Nordal varaformaður Sjálfstæðisflokksins væri látin eftir langa baráttu við erfið veikindi. Sigmundur Davíð starfaði með henni í stjórnarandstöðu frá 2009 til 2013 og svo í ríkisstjórn frá 2014 til 2016.

Hann segist hafa séð eftir Ólöfu úr stjórnmálunum þegar hún gaf ekki kost á sér í kosningunum 2013 en varð feginn þegar hún sneri aftur sem utanþingsráðherra í desember 2014.

Ég sá hana alltaf fyrir mér sem framtíðarformann Sjálfstæðisflokksins og forsætisráðherra, með tíð og tíma. Hún hefði örugglega gert það með glæsibrag,

segir Sigmundur Davíð. Naut hann þess mjög að starfa með henni ríkisstjórn:

Hún var einstaklega fær ráðherra, vel að sér. Hún þorði líka að hafa skoðun, sem að mætti vera algengara í pólitíkinni. Hennar verður sárt saknað.