Mame er eins árs gömul stelpa frá Japan. Riku er risastór púðluhundur. Á milli þeirra ríkir einstök vinátta og sýna krúttlegu myndirnar af þeim það svo sannarlega.
Amma Mame er dugleg að taka myndir og myndbönd af vinunum og deilir þeim á Instagram. Aðgangurinn er með yfir 150 þúsund fylgjendur. Amma Mame á tvo aðra hunda, Gaku og Qoo, en Mame og Riku eru óaðskiljanleg. Hvort sem það er að kúra, sofa, lesa eða leika sér á trampólíni þá gera þau það allt saman.
