Í þessu brúðkaupi sá Mandii, aðalbrúðarmeyjan og eiginmaður hennar, Spencer, um að koma brúðhjónunum, Nicole og Keith, verulega á óvart, áður en athöfnin sjálf fór fram.
Brúðurin Nicole er heilluð af lamadýrum. Hún á töskur, blýanta og alls konar aðra hluti sem eru með myndum af lamadýrum á. Í marga mánuði fyrir brúðkaupið var hún búin að biðja um að lamadýr yrðu hluti af stóra deginum, en þeirri bón hennar var alltaf hafnað. Það kom henni því verulega á óvart þegar tvö slík mættu.
