Hildur Kristín var að gefa út nýtt lag, „Næsta Sumar.“ Hildur samdi lagið og textann með strákunum í StopWaitGo en þetta er í fyrsta skipti sem þau vinna saman. Bleikt spjallaði aðeins við Hildi til að forvitnast um nýja lagið og hvað sé fram undan hjá þessari mögnuðu söngkonu.
„Lagið er beinlínis um svona skemmtilegt sumardjamm sem maður á og vill ekki að hætti. Þegar maður er í svo geggjuðu stuði að maður vill halda því áfram, bara fram á næsta sumar. Það er mikið „feel good“ stemning í þessu og ég vona að sú stemmning geti haldið áfram þótt sumarið sé búið.“
„Mig hefur alltaf langað að búa til svona stuð-sumarlag og var búin að vera með það í kollinum í svolítinn tíma að reyna að gera það. Svo þegar ég fór að semja lagið var ég innblásin af því hvað Íslendingar er mikil sumarþjóð, við gjörsamlega elskum sumarið og allt á að vera mest og best á sumrin. Mig langaði að reyna að ná þessari stemmningu í lag. Aðallaglínuna samdi ég bara í bílnum samt á rauðu ljósi, það er oftast frekar fyndið hvernig góðar laglínur koma bara á mjög random stöðum þegar maður er ekki að reyna.“
„Nei ég ætla að láta textamyndbandið duga. Ég er rosalega ánægð með útkomuna á því, það var vinkona mín hún Andrea Björk Andrésdóttir sem gerði það. Þetta er þriðja myndbandið sem ég vinn með henni og ég er alltaf jafn ánægð með útkomuna. Textamyndbandið fangar líka svo vel stemmninguna í laginu!“
„Næst á dagskrá er að fara til Þýskalands í september í svona lagasmíðabúðir þar sem ég er að vinna með öðrum lagahöfundum að því að semja ný lög fyrir aðra listamenn. Það er ótrúlega gaman, ég fór í tvær aðrar slíkar búðir í sumar og mörg frábær lög komu út úr því. Það er mjög skemmtilegur hliðarferill að semja fyrir aðra listamenn líka, þá getur maður notað hugmyndir sem passa kannski ekki alveg við sinn eigin stíl en eru frábærar fyrir aðra listamenn. Svo er ég bara að spila fullt, næst er það Októberfest og svo fullt af giggum hér og þar!“
Hlustaðu á nýja lagið hennar hér fyrir neðan og komdu þér í stuð!
