Gylfi Þór Sigurðsson, leikmaður Íslands, var að vonum svekktur í kvöld eftir 1-0 tap gegn Finnum í mikilvægum leik í undankeppni HM.
,,Þetta var mjög slappt hjá okkur. Við vorum þungir á okkur og það gekk ekkert upp,“ sagði Gylfi.
,,Við töluðum um það fyrir leik að reyna að skora fyrsta markið en við vorum lélegir á öllum sviðum.“
,,Í lokin, síðustu 10 mínútur þegar meiri hlutinn af þeim var í boxinu þá duttu nokkrir sénsar fyrir okkur.“
,,Dómgæslan var ekki sérstök en dómarinn var aðeins skárri en við. Við vorum það slappir.“
